Treff Aal Schoul

treff-aal-schoul

Den „Treff Aal Schoul” an der „Maison des Générations” zu Habscht ass eng Geleeënheet fir Leit vun all Alter, fir zesumme flott Stonnen ze verbréngen. All Woch gi verschidden Aktivitéiten ugebueden, déi sech nom Interessi vun de Gäscht vum „Treff” riichten. Natierlech ass och jidderee wëllkomm, deen einfach e puer gemittlech Stonne verbréngen a mat senge Frënn eng Taass Kaffi oder Téi drénke wëll.

Op dëser Plaz fannt Dir dann och ëmmer den aktuelle Programm mat den Ëffnungszäite vum „Treff Aal Schoul”.

Mëttegiessen

Am Kader vun den Aktivitéiten vum „Treff Aal Schoul” hunn eis eeler Matbierger ee mol de Mount d’Méiglechkeet, zesummen an e Restaurant zu Mëtteg iessen ze goen. Umelle kann ee sech fir d’Mëttegiessen, am Prinzip eng Woch am Viraus, bei der Madamm Sarah Zwick, Responsabel vum „Treff” oder der Madamm Melanie Hilbert, éducatrice. Trei Gäscht profitéieren am Restaurant "Aal Schoul" iwwregens vun enger Formule, déi Iech déi Responsabel (Tel.: 39 01 33 501) gären am Detail erkläre kann.

Busnavette

Fir déi Leit, déi keng Méiglechkeet hunn, sech selwer an den „Treff ” ze deplacéieren, huet d’Gemeng eng Busnavette ageriicht. Dës Navette ass selbstverständlech och fir d’Besoine fir Persoune mat ageschränkter Mobilitéit adaptéiert. Weider Erklärungen zu der Bus-Navette kritt Dir vun der Madamm Sarah Zwick an der Madamm Melanie Hilbert (Tel.: 39 01 33 501).

Address / Kontakt

Treff Aal Schoul | Maison des Générations 33A, Grand-Rue | L-8372 Hobscheid
Telefon: 39 01 33 501  (Sarah Zwick et Melanie Hilbert) | E-Mail: treff@habscht.lu

Programm